Mədəniyyət

"Gənclərə dəstək" layihəsinin 5 illik yubileyinə həsr olunmuş konserti keçirilib - FOTO

24 Noyabr 2021 18:58
Baxış: 1 435
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan Respublikası Mədəniyyət Nazirliyi və Azərbaycan Tələbə Gənclər Təşkilatları İttifaqının dəstəyi ilə Azərbaycan Dövlət Akademik Filarmoniyasının "Gənclərə dəstək" layihəsinin 5 illik yubileyinə həsr olunmuş konserti keçirilmişdir.

Konsertdə respublika və beynəlxalq müsabiqələr laureatları, prezident təqaüdçüləri dirijor Orxan Həşimovun rəhbərliyi altında Q.Qarayev adına Azərbaycan Dövlət Kamera orkestrinin müşayiəti ilə çıxış etmişdir: vokalçılar - Cəlal Kərimov, Nigar Cəlilova, Əli Muradov, Teymur Kazımov, Aytən Orucəliyeva, İntiqam Allahverdiyev, violin ifaçıları - Nəzgiz Hüseynzadə, Osman Mustafazadə , Özcan Cabbari,  Surə Rüfət, tarzən - Nadir Quliyev; kamança ifaçısı - Hüseyn Nağıyev, violonçel ifaçıları - Vagif Qurbanov, Cəlalə İsmayılzadə; pianoçular - Camalə Abdinzadə, Aynur Abdullayeva, Əsgərli İqan Ümid, Zümrüd Əlizadə, Mehin Zalıyeva; klarnet ifaçısı - Asim Rzazadə.

Yubiley gecəsində tanınmış bəstəkarların əsərləri ilə yanaşı, gənc müəlliflər, layihə iştirakçıları Lalə Əhmədova və Yusif Abbasovun da əsərləri dirijor Orxan Həşimovun rəhbərliyi altında Q.Qarayev adına Azərbaycan Dövlət Kamera orkestrinin ifasında səsləndirildi. Konsert proqramının sonunda Ü.Hacıbəyli adına Bakı Musiqi Akademiyasının "Lumineux" vokal ansamblının ifasında bəstəkar Pikə Axundovanın "Gənclərə dəstək" layihəsi üçün xüsusi bəstələnmiş himni ifa olundu (sözləri Aysel Kərimindir). Ansamblın bədii rəhbəri və dirijoru - Azərbaycan Respublikasının Əməkdar artisti Naala Barateliyadır.

Qeyd edək ki, "Gənclərə dəstək" layihəsinin əsas vəzifəsi ölkədə gənc istedadların üzə çıxarılması və dəstəklənməsidir. Bundan əlavə, məqsədləri: dünya və yerli musiqi mədəniyyəti ənənələrinin qorunub saxlanılması və inkişafıdır.
Layihə çərçivəsində təqdim olunan proqramlar müxtəlif zövqlərə malik çox geniş auditoriyaya - yüksək akademik üslubun bilicilərinə, muğam, caz, estrada, eləcə də xor musiqisi həvəskarlarına ünvanlanıb.

"Gənclərə dəstək" layihəsi Azərbaycan Dövlət Akademik Filarmoniyası-nın direktoru, xalq artisti, professor, tanınmış piano ifaçısı Murad Adıgözəlzadə,kordinator musiqişünas Ayla Kərimova-Zəkəriyyənin təşəbbüsü və Azərbaycan Respublkası Mədəniyyət Nazirliyinin dəstəyi ilə 15 noyabr 2016-cı ildə yaradılmışdır. Layihənin ilk konserti "Multikulturalizm ili" çərçivəsində keçirilmişdir. "Gənclərə dəstək" layihəsi çərçivəsində konsertlər mütəmadi olaraq hər ay bir neçə dəfə həm Filarmoniya həm də Kamera və Orqan Musiqi Zalının səhnəsində keçirilir. 

Bu günə qədər keçirilən konsertlərin hər biri geniş tamaşaçı auditoriyasının diqqətini cəlb edir və rəğbətini qazanir. Layihədə iştirak etmək üçün, Ü.Hacıbəyli adına Bakı Musiqi Akademiyasının, Azərbaycan Milli Konservatoriyasının, A. Zeynallı adına Musiqi Kollecinin tələbələri və Bülbül adına Orta İxtisas Musiqi Məktəbinin, AMK tərkibində İncəsənət gimnaziyasının şagirdləri cəlb olunmuşdurlar. Layihənin hər bir konserti müxtəlif mövzulara həsr olunur

İnformasiya dəstəyi- Trend.az, Day.az, Milli.az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.