PUL
.jpg)
.jpg)
Vaxtilə Şəki, Abşeron və Ağdam rayonlarında Partiya Komitələrinin birinci katibi vəzifəsində işləyən, Azərbaycan Kəndli-Fermer Təsərrüfatları İstehsalat Birliyinin sədri Sadıq Murtuzayev 94 yaşında dünyasını dəyişib.
Milli.Az qafqazinfo-ya istinadən xəbər verir ki, bu barədə jurnalist Asif Mərzili məlumat yayıb.
"Azərbaycanın dəyərli şəxsiyyətlərindən biri, Qarabağsevər, Vətənsevər Sadıq Murtuzayev haqq dünyasına qovuşdu! Onunla təxminən bir həftə əvvəl danışmışdıq. "Ən böyük arzum Ağdamı, Şuşanı görməkdir! Var gücümü bu arzuya səfərbər etmişəm!, -demişdi. Nə yaxşı ki, bu arzusuna Ağdamı, Şuşanı azad eşidərək çatdı", - deyə A. Mərzili bildirib.
Qeyd edək ki, S. Murtuzayev vaxtilə Şəki, Abşeron və Ağdam rayonlarında Partiya Komitələrinin birinci katibi vəzifəsində işləyib.
Sadıq Murtuzayev respublikada heyvandarlığın, bağçılığın sənaye əsaslarına keçirilməsinin təşəbbüskarı olub. Dünyada ikinci, SSRİ-də isə birinci olaraq Ağdamda Çörək muzeyinin yaradılması, ilk Muğam məktəbinin, Muğam teatrının təşkil olunması da onun təşəbbüsü ilə reallaşıb. O, beynəlxalq dostluq əlaqələrinin möhkəmləndirilməsi sahəsindəki xidmətlərinə görə Bolqarıstan Xalq Respublikasının Razpad şəhərinin fəxri vətəndaşı seçilib, Yubiley medalı ilə təltif olunub.
O, akademik İmam Mustafayevlə birgə yazdığı "İmam Şamil" kitabına görə Beynəlxalq İmam Şamil Mükafatları Komitəsinin Böyük qızıl medalına layiq görülüb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)
