Mədəniyyət

Açıq havada “Sara” tamaşasının premyerası olub

18 Sentyabr 2020 19:08

Baxış: 1 466

VTB-də minimal faiz dərəcəsi ilə nağd kredit 10.49%-dən

#İNCƏSƏNƏT

Sentyabr 18-də Şamaxıda yerləşən XIV əsrə aid Kələxana türbələrində Mingəçevir Dövlət Dram Teatrının səhnələşdirdiyi "Sara" adlı yeni tamaşanın premyerası baş tutub.

Milli.Az APA-ya istinadən bildirir ki, tamaşa "Apardı sellər Saranı" dastanının motivləri əsasında hazırlanıb.

Tamaşa Azərbaycanda ilk dəfə olaraq canlı dekorasiyadan istifadə edilərək nümayiş olunub və nümayiş boyu əntiq teatra cəhdlər təqdim edilib.

Aktyorlar tamaşanı məkan olaraq tarixi abidələr sayılan Kələxana türbələrində oynayıblar.

Tamaşa hazırlanan zaman Nazirlər Kabineti yanında Operativ Qərargahın xüsusi karantin rejimiylə bağlı bütün şərtləri və tələbləri nəzərə alınıb. Tamaşa boyu şərt və tələblərə əməl olunub.

Tamaşanı Əməkdar incəsənət xadimi Bəhram Osmanov səhnələşdirib. Tamaşanın quruluşçu rejissoru Cavid Təvəkkül, quruluşçu rəssamı Əməkdar rəssam Rafael Həşimovdur.

Tamaşada Xalq artisti Ella Yaqubova, Əməkdar artist Şıxı Yaqubov, Aydın Quliyev və başqaları oynayıblar.

Milli.Az