Mədəniyyət

Məşhur sənətkarın xanımı çarəsiz qalıb - FOTO

16 Sentyabr 2015 00:03

7 Şərh Baxış: 17 740

VTB-də minimal faiz dərəcəsi ilə nağd kredit 9.9%-dən

#CƏMİYYƏT #MƏDƏNİYYƏT #KİNO #TEATR

Məşhur aktyor, xalq artisti Həsənağa Salayevin həyat yoldaşı Sərvət Salayeva bu gün təkbaşına, çarəsiz, kirayələrdə yaşayır. Bu haqda Milli.Az-a məlumatı Həsənağa Salayevin yaxın qohumu Eldəniz Zeynalovun oğlu Məmməd Zeynalov verib.

"Həsənağa Salayev mənim atamın dayısı olub. Atam sağ olan günə qədər bizim onların ailəsi ilə yaxın münasibətimiz var idi. Sonradan atamın rəhmətə getməsi ilə elə oldu ki, münasibətlər soyudu. Bu günlərdə təsadüf nəticəsində Həsənağa Salayevin həyat yoldaşı Sərvət xanımı yolda gördüm. Rəssamlıq qalereyasında rəsm müəllimi işlədiyini deyən Sərvət xanım dolanışığından, yaşayışından şikayət etdi. Onun bir oğlu Qarabağ müharibəsində şəhid olmuşdu, ikinci oğlu isə 4 il olar ki, rəhmətə gedib. Çox kədərli bir xanımdır, ona baxan o dəqiqə hiss edər ki, həyatında kimlərisə itirib. Qadın çarəsiz, təkbaşına kirayədə qalır. Əlaqə nömrəmi ona verib, yanından uzaqlaşdım. Həsənağa Salayev rəhmətə gedəndən sonra onların vəziyyəti daha da ağırlaşdı. Allah özü kömək olsun", - deyə aktyorun oğlu bildirib.

Qeyd edək ki, Həsənağa Salayev romantik teatr məktəbinin son nümayəndəsi olub. O, teatr fəaliyyəti ilə yanaşı, bir sıra məşhur filmlərdə də çəkilib.

Əli Rəhimoğlu

Milli.Az