Mədəniyyət

Məmməd Səid Ordubadinin ev muzeyi açıldı

12 May 2010 14:10
Baxış: 1 555
VTB-də minimal faiz dərəcəsi ilə nağd kredit 10.49%-dən
Bu gün Məmməd Səid Ordubadinin ev muzeyinin açılışı olub. Xatırladaq ki, muzeyin yaradılmasının 30 illiyi ilə əlaqədar 2006-cı ildən Mədəniyyət və Turizm Nazirliyi tərəfindən sənət ocağında əsaslı təmir, 2009-cu ildə isə bədii tərtibat işləri aparılıb.

Milli.Az xəbər portalının məlumatına görə, xatirə muzeyi 1979-cu ildə yaranıb. Ədib bu evdə 1938-1950-ci illərdə, ömrünün son günlərinədək yaşayıb. Muzeydə Ordubadiyə aid olan iki minə yaxın eksponant qorunub saxlanılır. Bu ünvan yazıçı, dramaturq, jurnalist, librettolar müəllifi, "Dumanlı Təbriz" romanı ilə ədəbiyyatımızda novator romançı kimi yeni ədəbi nümunə yaratmış və Azərbaycanda tarixi roman janrının təməlinin qoymuş Məmməd Səid Ordubadinin yaradıcılıq yadigarlarının məkanı olmaqla yanaşı, həm də elmi-tədqiqat və mədəni maarif müəssisəsidir.

Qeyd edək ki, ədibin xatirə muzeyinin açılışında Mədəniyyət və Turizm Nazirliyinin nümayəndələri, bir sıra dövlət muzeylərinin işçiləri və sənət adamları iştirak ediblər.
 
Xədicə
Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.