Kriminal

Qardaşının qatilini ürəyindən bıçaqladı: Sumqayıtda dəhşətli cinayətin təfərrüatı - FOTO

7 İyun 2020 10:31

Baxış: 5 927

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL

Sumqayıtda kütləvi dava ölümlə nəticələnib.

Milli.Az APA-ya istinadən bildirir ki, hadisə axşam saatlarında şəhərin 10-cu mikrorayon adlanan ərazisində yerləşən parkda olub.

Belə ki, bir neçə nəfər arasında düşən kütləvi dava zamanı üç nəfər bıçaqlanıb.

1988-ci il təəvəllüdlü Qasımov Zöhrab Vəli oğlu ölüb, onun qardaşı, 1989-cu il təvəllüdlü Qasımov Tofiq isə yaralanıb.

Bıçaq yarasından ölən digər şəxs isə 1989-cu il təvəllüdlü Rəhimov Namiq Tahir oğludur.

Hadisənin bəzi təfərrüatları məlum olub.

Xeberle.com-un ilkin məlumatına görə, hadisə pul borcu üstündə baş verib. Namiq Rəhimov mübahisə zəminində Zöhrab Qasımovu bıçaqlayaraq öldürüb. Qardaşının öldüyünü görən T.Qasımov bıçaqla Namiqin ürəyindən vurub. Tofiq Qasımova isə N.Rəhimovun kimliyi məlum olmayan tanışı kəsici alətlə ağır xəsarətlər yetirib. Həmin şəxsin hadisə yerindən qaçdığı deyilir.

Milli.Az