Kriminal

Bakıda ofisant xanıma görə dava düşdü - Qısqanclığa görə...

29 Aprel 2025 00:25
Baxış: 2 303
VTB-də minimal faiz dərəcəsi ilə nağd kredit 9.9%-dən
#HADİSƏ #KRİMİNAL

Bakıda ofisant xanımı qısqanan müştərilər arasında dava düşüb.

Hadisə Nizami rayonu, Qara Qarayev prospekti 102 ünvanında yerləşən "Beer Coin Pub" adlı restoranda baş verib.

Bir ildir 8-ci kilometr bazarında meyvə satışı ilə məşğul olan 1996-cı il təvvəllüdlü Muxtar T. "Beer Coin Pub" adlı restoranda 6 bakal pivə içib. Muxtarın restoranda ona xidmət göstərən C.D. adlı ofisant xanımdan xoşu gəlməyə başlayıb.

Həmin vaxt restoranda müştəri qismində yeyib-içən Samir adlı şəxs isə ofisantla söhbət etməyə başlayıb. Muxtar xanımı qısqandığından Samirə zor tətbiq edərək, bir neçə dəfə yumruqla sifət nahiyəsinə vurub. Hadisədən sonra saxlanılan Muxtar barəsində Cinayət Məcəlləsinin 221.1-ci maddəsi ilə cinayət işi açılıb və iş məhkəməyə göndərilib.

Məhkəmənin qərarı ilə təqsirləndirilən şəxs cinayət əməlinin törədilməsində təqsirli bilinib və 8 ay müddətinə azadlığın məhdudlaşdırılması cəzasına məhkum edilib. O, cəza çəkdiyi müddətdə elektron qolbaqda gəzəcək.

Qeyd edək ki, "Beer Coin Pub"da tez-tez dava düşməsilə bağlı məlumatlar yayılır. Ötən il "Beer Coin Pub"ın icarədarı Mehriban adlı qadının 1992-ci ildə Bakı şəhərində anadan olmuş Rəşad İsmayılov (şərti) tərəfindən döyülməsi ilə də bağlı məlumat vermişdik. /Qaynarinfo

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.