Kriminal

Nişanlısı bahalı tacı ala bilmədi - Oğurlayıb qaçdı - VİDEO

12 Mart 2025 21:38

Baxış: 1 957

VTB-də minimal faiz dərəcəsi ilə nağd kredit 9.9%-dən

#VİDEO #OĞURLUQ

Martın 6-da İstanbulun Beyoğlu adlanan hissəsində zərgərlik mağazasından qızıl tac oğurlayan gənc qız polis tərəfindən saxlanılıb.

Milli.Az qafqazinfo-ya istinadən xəbər verir ki, Camikebir məhəlləsindəki mağazadan 250 min lirə (təxminən 12 min manat) dəyərindəki tacı oğurlayan qızı bir neçə gün sonra tutmaq mümkün olub.

Mağazanın və küçənin kamera görüntülərindən məlum olub ki, hadisəni törədən Firdevs S. adlı qız orada satıcıya taca baxmaq istədiyini deyib və bir neçə dəfə bahalı zinət əşyası ilə şəkil çəkib. Az sonra qız tacı götürərək sakitcə qapıdan çıxıb və qaçmağa başlayıb. Satıcı onu təqib edərək tutmaq istəsə də, buna müəssər ola bilməyib və gənc qız izdihamın arasında izini itirib.

Polis tərəfindən saxlanılan Firdevs S. hadisədən bir gün əvvəl nişanlısı ilə Beyoğlunda gəzərkən mağazada tacı görüb bəyəndiyini, lakin oğlanın həmin tacı almağa pulunun olmadığını deyib. Qız, nişanlısının tacı ala bilmədiyindən pis olması səbəbindən oğurluq etdiyini vurğulayıb.

Hadisənin görüntülərini təqdim edirik:

Milli.Az