Kriminal

Könülün qətli ilə bağlı rəsmi açıqlama - Saxlanılan var

16 May 2024 10:27
Baxış: 19 102
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Lənkəran rayon prokurorluğu və rayon polis şöbəsi əməkdaşlarının birgə fəaliyyəti nəticəsində cari ilin mart ayında itkin düşmüş Cəlilabad rayon sakini, 2002-ci il təvəllüdlü Könül Ağayevanın qəsdən öldürülməsi müəyyən edilib.

Bu barədə Baş Prokurorluq və Daxili İşlər Nazirliyinin birgə məlumatında qeyd olunub.

Bildirilib ki, həyata keçirilmiş çoxsaylı istintaq və əməliyyat-axtarış tədbirləri nəticəsində 2003-cü il təvəllüdlü Lənkəran şəhər sakini Elvin İsmayılzadənin martın 1-də Lənkəran şəhəri ərazisində yerləşən evlərdən birində Könül Ağayevanı boğaraq qəsdən öldürməsi, növbəti gün cinayət hadisəsini gizlətmək üçün tanışı Xəyal Səmədovun köməkliyi ilə Könül Ağayevanın meyitini həmin fərdi yaşayış evinin birinci mərtəbəsində basdırmasına əsaslı şübhələr müəyyən edilib.

Könül Ağayevanın meyitinin basdırıldığı yer müəyyən olunaraq prokuror-kriminalistin və ekspertin iştirakı ilə çıxarılıb, iş üzrə zəruri ekspertizalar təyin olunmaqla intensiv istintaq-əməliyyat tədbirləri davam etdirilir.

Faktla bağlı Lənkəran rayon prokurorluğunda Cinayət Məcəlləsinin qəsdən adam öldürmə maddəsilə cinayət işi başlanıb.

Elvin İsmayılzadə polis əməkdaşları tərəfindən saxlanılaraq istintaqa təhvil verilib və prokurorluq tərəfindən şübhəli şəxs qismində tutulub.

--------

17:40
15.05.2024

Xəbər verdiyimiz kimi, Azərbaycan Dövlət Pedaqoji Universitetinin Cəlilabad filialının tələbəsi Könül Ramin qızı Ağayeva qətlə yetirilib.

Milli.Az axar.az-a istinadən bildirir ki, onun boğularaq öldürüldüyü iddia edilir.

Sosial şəbəkələrdə yayılan məlumatlara əsasən, 22 yaşlı Könül sevgilisi tərəfindən qətlə yetirilib.

Belə ki, tələbə xanım ailəli olub. O, azyaşlı uşağını əri ilə birlikdə qoyaraq, evi tərk edib. Hadisə baş verən gün ailə qurmazdan öncə sevgili olduğu qrup yoldaşı ilə görüşüb. Oğlandan tələb edib ki, onunla evlənsin. Dava zamanı oğlanın başına külqabı çırpıb, onu söyüb, oğlan da onu naqillə boğaraq öldürüb. Sonra isə zirzəmidə basdırıb.

Qeyd edək ki, sözügedən hadisə ilə bağlı hələlik heç bir rəsmi açıqlama verilməyib.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.