Kriminal

Toyda qardaşını və onun arvadını öldürmək istəyənə 14 il həbs

20 Fevral 2024 20:15

Baxış: 1 656

VTB-də minimal faiz dərəcəsi ilə nağd kredit 9.9%-dən

#KRİMİNAL #MƏHKƏMƏ #TOY #CİNAYƏT

Sumqayıtda 2 nəfəri öldürməyə cəhddə təqsirləndirilən 1954-cü il təvəllüdlü Rafiq Kərimduxta hökm oxunub.

Milli.Az bildirir ki, Sumqayıt Ağır Cinayətlər Məhkəməsində keçirilən prosesdə R. Kərimduxt Cinayət Məcəlləsinin 29, 120.2.4, və 29, 120.2.7-ci (qəsdən 2 şəxsi öldürməyə cəhd etmə) maddələri ilə təqsirli bilinib.

İttihamda qeyd edilib ki, R. Kərimduxt Sumqayıtda toyda iki nəfərin - ögey qardaşı V.Kərimduxtu və onun arvadını öldürməyə cəhd edib.

Belə ki, o, ötən ilin iyulunda Sumqayıtda yerləşən şadlıq saraylarından birində keçirilən toy mərasimində Ruslan yaxın qohumlarına hücum edib. Qonaqların müdaxiləsindən sonra onun əlindəki ov bıçağı alınıb.

Bildirilib ki, Rafiq Kərimduxt ilə V.Kərimduxt doğma qardaş olmayıblar. Daha əvvəl məhkumluq həyatı yaşayan Rafiq bildirib ki, həbsdə olan müddətdə qardaşı və arvadı onun anasını incidiblər, ona yaxşı baxmayıblar. O, hadisəni həm də aralarında yaranan mülki mübahisəyə görə etdiyini etiraf edib. Lakin onları öldürmək istəmədiyini deyib.

Sumqayıt Ağır Cinayətlər Məhkəməsinin hökmü ilə R. Kərimduxta 14 il həbs cəzası verilib.

Milli.Az
Xəbərlərimizi WhatsApp kanalımızdan da oxuyun