Kriminal

Azərbaycanda dəhşətli cinayətin təfərrüatı: Arvadını qardaşı ilə cinsi əlaqədə olarkən görübmüş - FOTO

24 İyun 2022 08:16
4 Şərh     Baxış: 4 372
VTB-də minimal faiz dərəcəsi ilə nağd kredit 10.49%-dən

Bərdədə tanışı, 1988-ci il təvəllüdlü Şəhriyar Məmtiyevlə birləşərək qardaşı Səxavət Nəzərovu öldürən 1984-cü il təvəllüdlü İnayət Nəzərovun cinayət işi üzrə məhkəmə prosesi başa çatıb. 

Milli.Az "qafqazinfo"ya istinadən xəbər verir ki, Gəncə Ağır Cinayətlər Məhkəməsinin hökmü ilə hər iki şəxsə 18 il 6 ay həbs cəzası verilib.

Qeyd edək ki, hadisə ötən ilin avqustunda baş verib. Belə ki, İnayət dostu Şəhriyarla qabaqcadan əlbir olaraq Hacallı kəndi ərazisindəki subartezian quyusunun yanında Səxavət Nəzərova müxtəlif dərəcəli bədən xəsarətləri yetirib, daha sonra sonuncunun ölmədiyini görüb onu transformatorun içərisinə salaraq qəsdən öldürüblər.

Hadisənin baş verməsinə isə qısqanclıq səbəb olub. Bu barədə İ.Nəzərovun özü məhkəmədə ifadəsində bildirib. O qeyd edib ki, ötən ilin fevralında S.Nəzərov onun arvadı ilə cinsi əlaqədə olub və bunu gözləri ilə görüb. Hadisədən sonra İnayət arvadı ilə boşanıb. Bundan sonra İ.Nəzərovun qardaşı Səxavətlə münasibəti kəskinləşib, hətta Səxavəti döyərək ona xəsarət yetirib. 

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.