PUL
.jpg)
.jpg)
Azərbaycanda daha bir məhbus həbsxanada ölüb.
Milli.Az redaktor.az-a istinadən xəbər verir ki, hadisə Penitensiar Xidmətin müalicə müəssisəsində qeydə alınıb.
Orada saxlanılan, 84 yaşlı Nəcərov Amaxan Əlayəddin oğlu dünyasını dəyişib. Onun ürəktutmasından öldüyü bildirilir.
Qeyd edək ki, 84 yaşlı Qusar rayon sakini A. Nəcərov 2015-ci ildə gəlini 1977-ci il təvəllüdlü Sevinc Məmmədovanı oğlu və azyaşlı nəvəsinin gözləri önündə əvvəlcə ov tüfəngi ilə vurub. Sonra onun ölmədiyini görüb və nəvəsinin yalvarışlarına baxmayaraq, gəlinin boğazını kəsib. A. Nəcərov Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) və 228.4-cü (qanunsuz olaraq qaz silahını, soyuq silahı, o cümlədən tullayıcı silahı əldə etmə, satma və ya gəzdirmə, milli geyim ləvazimatı hesab olunan ərazilərdə və ya ovçuluq peşəsi ilə bağlı olaraq soyuq silahı gəzdirmə) maddələri ilə ittiham edilib.
Bakı Ağır Cinayətlər Məhkəməsinin hökmü ilə o, 18 il 6 aylıq azadlıqdan məhrum edilib. Sumqayıt Apellyasiya Məhkəməsini qərarı ilə isə onun cəzası 1 il azaldılıb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.jpg)
.jpg)
