Ölkə

Toylara bu vaxtdan sonra İCAZƏ VERİLƏ BİLƏR

13 Yanvar 2021 12:30

Baxış: 9 963

VTB-də minimal faiz dərəcəsi ilə nağd kredit 9.9%-dən

#TOY #KARANTİN

"Sərt karantin rejimi gözlənilən kimi, fayda verdi".

Bunu Milli.Az-a açıqlamasında Pandemiya Xəstəxanasının koordinatoru, infeksionist Vüsalə Yaşar deyib.

İnfeksionist bildirib ki, peyvəndləmə başlayandan sonrakı ilk bir neçə ayda nəticəni görmək mümkün olmaya bilər:

"Sərt karantin rejiminin tətbiqindən sonra yoluxma sayında azalmalar müşahidə etdik. Üstəlik də peyvəndləmə başladıqdan, əhalinin böyük qrupu peyvəndləndikdən sonra biz artıq rahatlaşa bilərik. Peyvəndləmə başlayandan sonrakı ilk bir neçə ayda təbii ki, nəticəni görmək mümkün olmaya bilər, hələ də yoluxmalar davam edəcək. Çünki ilk başda risq qrupunda olan insanlarda peyvəndləmə aparılacaq. Bura tibb işçiləri, yaşlılar, xronki xəstəliyi olan və s. qrup insanlar daxildir. Və ondan sonra da yavaş-yavaş əhalinin digər qrupları peyvəndlənəcək.

Deyərdim ki, 2021-ci ilin axırlarına biz nəticələrdə fərqlilik görməyə başlaya bilərik. Yəni, daha rahat ola bilərik. Ümid edək ki, bu zaman kütləvi tədbirlər, toy-nişan mərasimləri də bərpa olunmağa başlayacaq".

Təhməz Əsədov
Milli.Az