Ölkə

Valideynlərini itirmiş şəxslərin magistratura xərclərini dövlət ödəyəcək - TƏKLİF

14 Mart 2020 11:34

0 Şərh Baxış: 1 173

#TƏHSİL

Azərbaycanda valideynlərini itirmiş, yaxud valideyn himayəsindən məhrum olmuş tələbələrin magistratura xərclərininin dövlətin öz üzərinə götürməsi təklif edilir.

Milli.Az Trend-ə istinadən xəbər verir ki, bu, "Təhsil haqqında" qanuna təklif edilən dəyişiklikdə əksini tapıb.

Qanunun 14-cü maddəsinə (Təhsil müəssisələri) təklif olunan dəyişikliyə əsasən, valideynlərini itirmiş və valideyn himayəsindən məhrum olmuş uşaqlar, habelə onların arasından olan şəxslər bütün tipdən olan dövlət təhsil müəssisələrində, müvafiq icra hakimiyyəti orqanının müəyyən etdiyi elmi təşkilatın magistratura səviyyəsində, habelə bələdiyyə və özəl ali, orta ixtisas və peşə təhsili müəssisələrində ödənişli əsaslarla təhsil aldıqları müddətdə təhsil haqqı dövlət büdcəsinin vəsaiti hesabına ödəniləcək.

Qanun layihəsi Milli Məclisin komitə iclasında müzakirəyə çıxarılacaq.

Milli.Az