Ölkə

Qəzaya uğrayan AZAL təyyarəsi ilə bağlı Peskovdan açıqlama

17 Mart 2025 00:25
Baxış: 2 178
VTB-də minimal faiz dərəcəsi ilə nağd kredit 9.9%-dən
#AZAL-IN TƏYYARƏ QƏZASI

Məlum olduğu kimi, AZAL-a məxsus Bakı-Qroznı aviareysini həyata keçirən sərnişin təyyarəsi ötən il dekabrın 25-də Qazaxıstanın Aktau şəhəri yaxınlığında qəzaya uğrayıb. Hadisənin baş verməsinə səbəb isə təyyarənin Qroznı səmasında Rusiya hava hücumundan müdafiə sistemləri tərəfindən vurulması olub.
Fevralın 4-də qəza ilə bağlı ilkin istintaqın nəticələri açıqlanıb. İlkin istintaq təyyarənin kənar müdaxiləyə məruz qalması faktını təsdiqləyib.

Lakin hadisə ilə bağlı araşdırmalar davam edir.

Milli.Az xəbər verir ki, mövzu ilə bağlı Bizim.Media Kremlin mətbuat katibi Dmitri Peskova sorğu ünvanlayıb.

Peskovun sorğumuza cavabını olduğu kimi təqdim edirik:

"İstintaqı təyyarə qəzasının baş verdiyi ölkə aparır. Biz Azərbaycanla əlaqələrimizi yüksək qiymətləndiririk".

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb. Hər iki pilot da daxil olmaqla 3 ekipaj üzvü həyatını itirib, iki ekipaj üzvü isə sağ qalıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.