Ölkə

Bu şəxslər üçün yeni evlər tikiləcək

12 Fevral 2025 10:38
Baxış: 2 622
VTB-də minimal faiz dərəcəsi ilə nağd kredit 9.9%-dən
#CƏMİYYƏT #TİKİNTİ #EV

Fövqəladə Hallar Nazirliyi (FHN) bir neçə rayonda təbii fəlakət nəticəsində dağılmış evlərin yenidən tikintisinə başlayır.

İqtisadiyyat.az-ın məlumatına görə, nazirliyin Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdiriyyəti bununla bağlı hazırlıqlara start verib.

Belə ki, bu istiqamətdə həyata keçirilən tədbirlər çərçivəsində cənub bölgəsində 14 fərdi yaşayış evinin tikintisi, Qobustan rayonunda 1 fərdi yaşayış evində, Gədəbəy şəhərində 24 mənzilli binada və Daşkəsən şəhərində 1 ədəd istinad divarında təmir-bərpa işlərinin aparılması nəzərdə tutulur.

Beləliklə, FHN Lerik rayonunda 12 ədəd 3 otaqlı fərdi yaşayış evinin tikintisinin, Lerik və Astara rayonunda 2 ədəd 2 otaqlı fərdi yaşayış evinin tikintisinin, Qobustan rayonunun Təklə kəndinin sakini Süleymanova Kifayət Əvəz qızına məxsus fərdi yaşayış evinin bərpasının, Gədəbəy şəhəri, Mehdi Quliyev küçəsində yerləşən 3 mərtəbəli 24 mənzilli yaşayış binasında və Daşkəsən şəhəri, A. Abdullayev küçəsində, 3 saylı çoxmərtəbəli yaşayış binasının aşağı tərəfində yerləşən istinad divarında bərpa və gücləndirmə işlərinin icrasına nəzarəti həyata keçirəcək.

Hazırda nazirlik bu işləri həyata keçirəcək şirkət axtarışındadır. FHN sözügedən tikinti, təmir və bərpa işlərinə 2 milyon manata yaxın vəsaitin sərf olunacağını proqnozlaşdırıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.