Ölkə

Gəncədə qanunsuz tikinti işlərinin qarşısı alındı - FOTO

27 İyun 2023 22:00

Baxış: 772

VTB-də minimal faiz dərəcəsi ilə nağd kredit 10.49%-dən

#CƏMİYYƏT #TİKİNTİ

Gəncədə qanunsuz tikinti işlərinin qarşısı alınıb.

Milli.Az qafqazinfo-ya istinadən xəbər verir ki, aparılan monitorinqlərdə 38 nömrəli hərbi şəhərciyində müvafiq icazəverici sənədləri olmadan qanunsuz tikinti işlərinin aparılması faktı aşkar edilib.

Bildirilib ki, Gəncə Şəhər İcra Hakimiyyəti yanında Şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiyanın, FHN-nin Dövlət Yanğın Nəzarəti Xidməti və Tikintidə Təhlükəsizliyə Nəzarət Dövlət Agentliyinin Qərb Regional Tikinti işləri tərəfindən şəhər ərazisində qanunsuz tikintilərlə bağlı birgə tədbirlərin həyata keçirilməsi davam etdirilir.

Qurumların nümayəndələri tərəfindən edilən xəbərdarlıqlar nəticəsiz qaldığı üçün müvafiq qərar qəbul edilib və qanunsuz tikinti işləri dayandırılaraq söküntüsü təmin edilib.

Qeyd edək ki, şəhər ərazisində bu kimi tədbirlər mütəmadi olaraq davam etdiriləcək.

Milli.Az