Ölkə

Laçın yolundakı aksiyada canlanma müşahidə olunur - VİDEO - FOTO

12 Fevral 2023 16:18

Baxış: 869

#LAÇIN

Azərbaycanın Qarabağ iqtisadi rayonunda faydalı qazıntı yataqlarının qanunsuz istismarına qarşı Laçın-Xankəndi yolunda keçirilən etiraz aksiyası günorta saatlarında da canlanma müşahidə olunub.

Trend-in Şuşaya ezam olunan müxbiri xəbər verir ki, toplanış yerində etirazçıların tələbləri dəyişməz olaraq qalır.

Hava şəraitinin soyuq və şaxtalı olmsına baxmayaraq, etirazçılar ərazini tərk etmək niyyətində deyillər.

Hazırda ekofəallar və gənc könüllülər Laçın - Xankəndi yolunun Şuşa şəhər ərazisindən keçən hissəsində "Azərbaycan oyaqdır, sərvətinə dayaqdır!", "Azərbaycan vahiddir, sərvətinə sahibdir!", "Ekoloji cinayətə son!", "Stop ekoterror!", "Берегите природу!", "Экоциду нет! Мониторингу да!" şüarlarını səsləndirirlər.

Aksiya iştirakçıları bildirib ki, Laçın-Xankəndi yolunun aksiya keçirilən ərazidə hərəkətə heç bir maneə yoxdur. Yol humanitar məqsədlər üçün tam olaraq açıqdır.

Xatırladaq ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda etiraz aksiyası keçirilir.

Aksiya ötən ilin dekabrın 12-dən etibarən başlayıb və bu gün iki aydır davam etdirilir.

Milli.Az