Hadisə

ABŞ-də məşhur telejurnalist və həyat yoldaşı evlərində ölü tapıldı

17 Dekabr 2025 16:44

Baxış: 1 339

VTB-də minimal faiz dərəcəsi ilə nağd kredit 9.9%-dən

#JURNALİST

ABŞ-də tanınmış televiziya müxbiri Kristina Çambers və onun həyat yoldaşı Conni Rimes faciəli şəkildə həyatını itirib.

Milli.Az xəbər verir ki, hadisə Alabama ştatının Huver şəhərində yerləşən ailə evində baş verib.

Məlumata görə, cütlük yaxın qohumları tərəfindən huşsuz vəziyyətdə aşkarlanıb. Çərşənbə axşamı səhər saat 09:00 radələrində hadisə ilə bağlı polisə məlumat verilib və hüquq-mühafizə orqanları Highland Manor Court küçəsinin 700-cü məhəlləsinə cəlb olunub.

Hadisə yerinə gələn təcili tibbi yardım əməkdaşları Kristina Çambers və Conni Rimesin artıq həyatını itirdiyini təsdiqləyiblər. Bildirilib ki, cütlüyün üç yaşlı övladı hadisə zamanı sağ olub və təhlükəsiz vəziyyətdədir.

Qeyd edək ki, Kristina Çambers və Conni Rimes 2021-ci ildə ailə qurmuşdular. Kristina Çambers uzun illərdir yerli WBRC telekanalında idman müxbiri kimi çalışırdı və peşəkar fəaliyyəti ilə geniş tamaşaçı auditoriyası qazanmışdı.

Hadisənin səbəbləri ilə bağlı araşdırmalar davam etdirilir.

Kənan
Milli.Az