Breyn Rinq

"Nar" komandası "Breyn Rinq"də favoritlər liqasında

31 Oktyabr 2022 11:04
Baxış: 2 160

Bazar günü İctimai Televiziyanın efirində Azərbaycanın ən böyük və maraqlı intellektual bilik oyunu - "Breyn Rinq"in növbəti verilişi baş tutub.

Sayca iyirminci mövsümdür davam edən oyunların on ildir ki dəstəkçiləri - Heydər Əliyev Fondu, Elm və Təhsil Nazirliyi, Gənclər və İdman Nazirliyidir. Oyunlara dəstək verən isə "Nar" mobil operatorudur. Yüksək peşəkarlıq və tərtibatla təşkil olunan oyunlara tamaşaçı marağı hədsizdir. "Bilik" kuboku uğrunda bu yarışın qalibi həm də maraqlı hədiyyələr qazanır. "Kapital bank" isə qalibə 3 min manat hədiyyə edəcək. Əvvəlki nəticələrə görə, "Nar", "BRİDGE" və "Gəncə"  komandaları favoritlər sırasında yer alıb.

Xatırladaq ki, reytinq cədvəlində 20 komanda təmsil olunur. Bir reytinq xalı uğrunda yarışda Azərbaycan Dövlət Neft və Sənaye Universiteti və Naxçıvan Dövlət Universitetinin komandaları yarışıb. Gərgin və maraqlı oyunda sualların qoyuluşu və onlara verilən cavablar xsusi ilə maraqlı idi. Aparıcı Fatehin pəşəkarlığı isə oyunu daha da maraqlı edir. Oyunu yüksək xalla Azərbaycan Dövlət Neft və Sənaye Universiteti qalib gəlir.

Rəqib kimi "Şəki" komandasını rəqib götürən Azərbaycan Dövlət Neft və Sənaye Universitetinin komandası onların üzərində də uğurlu qələbə qazandı. Qeyd etmək lazımdır ki, müğənni Samirənin fasilədə ifa etdiyi mahnılar da yarışmaya xüsusi zövq verirdi. 

"Kristal Holl"da keçirilən yarışda Azərbaycan Dövlət Neft və Sənaye Universitetinin növbəti rəqibi "Nar" komandası olub. Yarışmada komanda üzvləri arasında müzakirələr də maraq doğurur.  Gərgin və maraqlı şəraitdə keçən yarışda qalib gələn "Nar" favoritlər sırasında yerinə yenidən qayıdır.

Sonda vacib bir məsələni də qeyd etmək istərdik. Hörmətli "Breyn Rinq" izləyiciləri. Əgər siz də yarış həyəcanını hiss etmək istəyirsinizsə, onda hər həftənin birinci günü yazımızın sonunda qoyulacaq suala düzgün cavab verin və "Nar"ın xüsusi hədiyyəsini qazanın. Beləliklə, sual belədir.

Bir gün Rəsul Rza Səməd Vurğundan soruşur:
- Görəsən, gələcək nəsillər hansı şairləri yada salıb oxuyacaqlar?
Səməd Vurğun:
- Deyim də sənə: Nizami, Füzuli, Nəsimi, Seyid Əzim, Mirzə Şəfi Vazeh, Mikayıl Müşfiq, Əhməd Cavad,
Hüseyn Cavid, Almas İldırım, Cəfər Cabbarlı və s...
- Bəs bizi oxumayacaqlar?
Səməd Vurğunun cavabı belə olur: "Biz onda onun içində olacağıq".
Nəyin?
Ən tez suala cavab yollayan şəxs "Nar" mobil operatoru tərəfindən mükafat əldə edəcək. Sualın cavabını bu ünvana göndərin: [email protected]

Kamran Seyidov
Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics