Breyn Rinq

“Breyn Rinq”in növbəti oyunu bazar günü İTV-nin efirində yayımlanacaq

9 Mart 2023 12:20

Baxış: 55 731

VTB-də minimal faiz dərəcəsi ilə nağd kredit 9.9%-dən

Azərbaycanın ən intellektual oyunlarından biri "Breyn Rinq" "Nar"ın dəstəyi ilə növbəti mövsümə başlayır. İntellektual yarışmanın sayca 20-ci mövsümü martın 12-də İctimai Televiziyanın efirində nümayiş olunacaq.

Ötən verilişdə olduğu kimi, bu dəfə oyunlara məktəblilərdən tutmuş, ən müxtəlif yaş qrupunu təmsil edən insanların baxacağı şəksizdir. Bunu müraciət edən komandaların sayının əvvəlki illərlə müqayisədə çox olması da təsdiq edir. Gəncləri stimullaşdırmağa yönələn oyunlar gəncləri elmə, təhsilə, biliyə olan marağı artırmağa səy göstərir, maariflənməni təşviq edir.

Artıq 9 ildir ki, "Nar"ın dəstəyi ilə yayımlanan ölkənin ən maraqlı intellektual yarışında respublikanın əksər bölgələrinin nüfuzlu ali məktəblərinin tələbələri mübarizə aparır. Azərbaycanın bütün regionlarını əhatə edən oyunların bir hədəfi var - gənclərin maariflənməsi, dünyagörüşü və analitik düşüncə bacarığının inkişafı. Bütün komandalara oyunlarda uğurlar arzulayırıq.

Milli.Az