Breyn Rinq

"Breyn Rinq" yarışmasında gərgin anlar - ADU-nun komandası hər kəsi şoka saldı

13 Fevral 2023 11:19
Baxış: 15 370
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fevral ayının 12-də İcimai Televiziyanın efirində Azərbaycanın ən böyük və maraqlı intellektual bilik oyunu - "Breyn Rinq"in növbəti verilişi baş tutub.

Sayca iyirminci mövsümdür davam edən oyunların on ildir ki dəstəkçiləri - Heydər Əliyev Fondu, Elm və Təhsil Nazirliyi, Gənclər və İdman Nazirliyidir. Oyunlara dəstək verən isə "Nar" mobil operatorudur. Həqiqətən də yüksək peşəkarlıq və tərtibatla təşkil olunan oyunlara tamaşaçı marağı hədsizdir.

Bu dəfə yarışma ilk olaraq Azərbaycan Dillər Universiteti (ADU) ilə Azərbaycan Dövlət Neft və Sənaye Universiteti arasında keçirilib. ADU komandası gərgin keçən oyunda 5-4 hesabı ilə qalib gəlir. Rəqib olaraq isə yüksık liqadan BRİDGE komandasını seçir. Maraqlı suallar və verilən cavablar nəticəsində ADU komandası yüksək - 5-1 hesabla rekorda imza atırlar.

Öz maraqlı oyunu ilə hamını şokla salan ADU komandası favoritlər komandasından "Qarabağ" komandasını rəqib kimi seçir. Maraqlı keçən yarışda "Qarabağ" komandası uğur qazanaraq favoritlər siyahısında öz yerini qoruyub saxlamağa müvəffəq oldu.

Sonda vacib bir məsələni də qeyd etmək istərdik. Hörmətli "Breyn-Rinq" izləyiciləri. Əgər siz də yarış həyəcanını hiss etmək istəyirsinizsə, onda hər həftənin birinci günü yazımızın sonunda qoyulacaq suala düzgün cavab verin və "Nar"ın xüsusi hədiyyəsini qazanın. 

Ötəndəfəki suala cavab verən izləyicimizin adını elan edirik - Elnur Quliyev.

Düzgün cavab isə belədir: 

Hüseyn Cavid, Üzeyir Hacıbəyov! Ü. Hacıbəyovun "Şeyx Sənan" operası 1909-cu ildə, H. Cavidin eyniadlı faciəsi 1912-1914-ci illərdə yazılmışdır.

Azər Nuriyev
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.