Seda Sayan: "Türkiyədə tayı-bərabəri olmayan yeganə qadınam"

2022-ci ildə evlənən Seda Sayan və Çağlar Öktenin evliliyi davam edir. Şəxsi həyatı səbəbindən daim diqqət mərkəzində olan Sayan ötən axşam səhnəyə çıxıb. Sayan "Mən Türkiyə Respublikasında tayı-bərabəri olmayan yeganə qadınam" ifadəsi ilə yenidən xəbər manşetlərində yer alıb.

Milli.Az-ın məlumatına görə, rəngarəng şəxsiyyəti və açıqlamaları ilə tez-tez xəbər manşetlərinə çıxan məşhur müğənni Seda Sayan mübahisəli açıqlamaları ilə diqqət mərkəzində olmağa davam edir. Məşhur sənətçi əvvəlki axşam İstanbulda çıxış edərək 3000 nəfərə konsert verib və cəsarətli açıqlamaları ilə diqqət çəkib. 

YouTube kanalındakı "Bacıların Bacısı" proqramı ilə sosial mediada tez bir zamanda məşhurlaşan Seda Sayan bu uğurundan sonra rəqəmsal platformadakı məzmununu artırmaq qərarına gəlib.

Televiziya təkliflərini qəbul etmir

Sayanın aldığı televiziya layihələrini müvəqqəti olaraq dayandırdığı məlum olub. Uzun illər televiziya proqramları ilə tamaşaçıların qarşısına çıxan Sayanın indi diqqətini rəqəmsal dünyaya yönəltməsi diqqət çəkir. Həmçinin Seda Sayanın YouTube üçün yeni bir proqram hazırlayır.

Seda Sayan İstanbuldakı konsertdən əvvəl mətbuat nümayəndələri ilə görüşüb. Bronxit xəstəliyindən əziyyət çəkdiyini deyən sənətçi, 4 gün sistem müalicəsi aldıqdan sonra sağaldığını bildirib.

Müxbirin "Geydiyiniz hər şey dəb halına gəlir" sözünə  Sayan "Elə bir şey yoxdur, məni başqası ilə səhv salmısınız" deyə cavab verib. Müxbirin "Səni heç kimlə səhv sala bilmərik" ifadəsinə Sayan əlavə edib: "Mənim tayı-bərabərim yoxdur. Türkiyə Respublikasında tayı-bərabəri olmayan yeganə qadınam".

Sayan YouTube proqramında verdiyi münasibət məsləhətlərinin sosial mediada trend mövzusuna çevrilməsi ilə bağlı deyib: "Sadəcə həyat təcrübələrimi bölüşürəm. Klişelərdən istifadəni çoxdan dayandırmışam. Əslində, köhnə klişelərimin hökmranlığından zövq alıram".

Məşhur sənətçi Z nəslinin ona olan marağına da münasibət bildirib: "Məni sevirlər. Deyirlər ki, "Dəli bir insan var, nənəm, anam baxardı". Uşaqlar məni sevirlər. Mən onları sevirəm". 

Seda Sayan "Teoman, Göksel və Simge səhnədə uzanıb oxumaq trendinə başladılar, siz də eyni şeyi edərdinizmi?" sualına belə cavab verib: "Mənim çəkim 60 kilo, paltarım isə 120 kilodur. Əgər uzansam, məni qaldırmaq üçün kran lazım olar". (lent.az)

Müəllif: Ülkər Vəliyeva (Milli.Az redaktor)