Avto

Xaricdən gətirilən bəzi avtomobillərin VİN kodu silinir - xəbərdarlıq - (Video)

5 İyul 2026 00:33

Baxış: 379

VTB-də minimal faiz dərəcəsi ilə nağd kredit 9.9%-dən

#VİDEO #AVTOMOBİL

Amerikadan gətirilən avtomobillərin VİN kodu silinir.

Milli.Az Xəzər TV-yə istinadən bildirir ki, ABŞ hərraclarından idxal edilən avtomobillər son illərdə Azərbaycan bazarında geniş yayılıb. Lakin mütəxəssislər deyirlər ki, bəzi avtomobillər satışa çıxarılmazdan əvvəl onların VİN kodları üzərində dəyişiklik edilir və ya məlumatlar silinir. Nəticədə avtomobilin real tarixçəsini müəyyənləşdirmək çətinləşir.

Usta Renat Süleymanovun sözlərinə görə, xüsusi proqramlar və beynəlxalq məlumat bazaları vasitəsilə bəzi hallarda avtomobilin əvvəlki tarixçəsini bərpa etmək mümkün olur. Yoxlama zamanı ABŞ-dəki yürüş göstəricisi ilə Azərbaycandakı göstərici arasında on minlərlə kilometr fərq aşkar edilir. Bundan başqa, ağır qəzaya düşmüş avtomobillərin təmir edilərək heç bir məlumat verilmədən satışa çıxarıldığı da müəyyən olunur.

Mütəxəssislər alıcılara avtomobil almazdan əvvəl VIN kodunu beynəlxalq bazalarda yoxlatmağı, texniki ekspertiza keçirməyi və tarixçəni təsdiqləyən sənədləri tələb etməyi tövsiyə edirlər. Çünki gizlədilmiş yürüş və ya qəza keçmişi sonradan həm əlavə maliyyə xərclərinə, həm də yol hərəkəti zamanı təhlükəsizlik risklərinə səbəb ola bilər.

Xezerxeber.az mövzu ilə bağlı daha ətraflı videomaterialı təqdim edir.

Müəllif: Ülkər Vəliyeva (Milli.Az redaktor)