İdman

Noyer yeni rekorda imza atdı

23 Avqust 2026 19:04

Baxış: 257

VTB-də minimal faiz dərəcəsi ilə nağd kredit 9.9%-dən

"Bavariya"nın qapıçısı Manuel Noyer qazandığı titulların sayına görə Almaniya futbol tarixində yeni rekord müəyyənləşdirib.

Milli.Az xəbər verir ki, 40 yaşlı qolkiper bu uğura Almaniya Superkubokunda "Bavariya"nın 2:1 hesablı qələbə qazandığı qarşılaşmada çatıb.

Start heyətində meydana çıxan Noyer karyerasında 36-cı titulunu əldə edib.

Bununla da o, keçmiş komanda yoldaşı Tomas Mülleri geridə qoyaraq, ən çox titul qazanan alman futbolçu adına sahib olub.

Noyer 2011-ci ildən "Bavariya"nın formasını geyinir. Münhen klubunda 13 dəfə Almaniya çempionu olan qapıçı iki dəfə Çempionlar Liqasını və iki dəfə UEFA Superkubokunu qazanıb.

Onun karyerasındakı ən böyük uğurlardan biri isə 2014-cü ildə Almaniya millisinin heyətində dünya çempionu olmasıdır.

Noyer 2024-cü ildə milli komandadakı karyerasını başa vurduğunu açıqlasa da, 2026-cı il dünya çempionatında iştirak etmək üçün yığmaya qayıdıb. Almaniya turnirdə 1/16 finalda Paraqvaya penaltilər seriyasında məğlub olaraq mübarizəni dayandırıb./"Qafqazinfo"

Müəllif: Ülkər Vəliyeva (Milli.Az redaktor)