Ermənistan

"İrəvan blokadaya düşdü, Harris prezident olsa..."

29 Oktyabr 2024 10:59
Baxış: 1 660
VTB-də minimal faiz dərəcəsi ilə nağd kredit 10.49%-dən

Əgər Gürcü Arzusunun qələbəsi təsdiqlənsə, qısa müddətdə Gürcüstanla Qərb arasında gərginliyin qorunub saxlanacağı, hətta daha da dərinləşəcəyi göz qabağındadır. Bu bölgə rusiyayönlü bölgəyə çevriləcək.

Milli.Az axar.az-a istinadən bildirir ki, bu sözləri erməni politoloq Satik Seyranyan erməni mediasına geniş müsahibəsində deyib.

O bildirib ki, bu kontekstdə Ermənistanın qərbyönlü adaya çevriləcəyini və Gürcüstanın missiyasını öz üzərinə götürəcəyini düşünmək çox çətindir:

"Regionun ən zəif və ən həssas dövləti olan Ermənistan açıq-aşkar qərbyönlü ölkəyə çevrilə bilməz. Oriyentasiya Qərb olacaq, amma heç bir addım atılmayacaq. Noyabrın 5-də Amerikada keçiriləcək seçkilərdən çox şey asılıdır. Kamala Harris prezident olsa, ABŞ-ın regional siyasəti dəyişməyəcək və hətta bu şərtlər daxilində belə Ermənistan qərbyönlü adaya çevrilməyəcək. Qərb oriyentasiyasının şaxələndirilməsi müəyyən dəyişikliklərə məruz qalacaq. Paşinyanın Rusiyaya səfərləri, addımları həmin diversifikasiyanın məntiqi altındadır".

O xatırladıb ki, Ermənistan çox uzun müddət Avropa Birliyinə üzv olmayacaq.

Milli.Az

 
Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.