Kulinariya

Günün təamı: "Dilbər dodağı"

3 Aprel 2012 07:00
0 Şərh     Baxış: 2 035
VTB-də minimal faiz dərəcəsi ilə nağd kredit 9.9%-dən
Tərkibi:

xəmir:
1 yumurta
1 yumurtanın sarısı
1,5 qəhvə fincanı süd
3 x.q. bitki yağı
1 çimdik duz
1 x.q. sirkə
un

yaymaq üçün:
buğda nişastası

iç:
qoz (fındıq)
yumurta ağı
darçın
şəkər tozu

üstünə:
100 q kərə yağı və ya marqarin

şərbət:
2 st. şəkər tozu
1,5 st. su
3-4 damcı limon suyu

Şərbət üçün olan ərzağı bir qazanda qarışdırıb, qaynadıb soyudun.

Xəmir üçün olan duru ərzağı qarışdırın, sonra un və duz əlavə edib xəmir yoğurun. Xəmir ələ yapışmamalıdır. 10 kündəyə bölün.

Çörək taxtasının üzərinə buğda nişastası səpərək hər kündəni desert boşqabı boyda yayın. Sonra aralarına nişasta səpməklə bu boşqab boyda lavaşları üst-üstə yığıb oxlovla tava böyüklüyündə yayın.

İç üçün olan ərzaqları qarışdırın.

Stəkanın köməyilə xəmirdən dairələr kəsin, içinə iç qoyub xəmirə dodaq şəkli verib siniyə düzün.

Bir tavada kərə yağını və ya marqarini qaynara düşənə qədər əridin. Qaşıqla "dodaqların" üzərinə gəzdirin.

170 dərəcə qızdırılmış sobada üzəri qızarana qədər bişirin (30-35 dəqiqə).

Hazır olandan sonra bir az istiykən üzərinə soyudulmuş şərbəti tökün.

Nuş olsun!

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.