Dünya

Vaksinasiyadan imtina edən hərbi qulluqçuların vəzifələrinin artırılması qadağan edilib

20 Noyabr 2021 09:54

0 Şərh Baxış: 767

VTB-də minimal faiz dərəcəsi ilə nağd kredit 10.49%-dən

#VAKSİNASİYA

ABŞ Ordu Komandanlığı koronavirusa qarşı peyvənd olunmaqdan imtina edən hərbi qulluqçuların xidmət müddətinin uzadılmasını və vəzifələrinin artırılmasını qadağan edib.

Milli.Az Oxu.az-a istinadən xəbər verir ki, bu barədə Quru Qoşunları komandanı Kristin Vormut göstəriş verib. Onun əmri ilə vaksinasiyadan imtina edənlərin sənədləri onları karyera perspektivlərindən, təlim qrantlarından və mükafat hüquqlarından avtomatik olaraq məhrum xüsusi etiketlə işarələnəcək.

"Mən komandirlərə (tibbi cəhətdən təsdiqlənmiş) azad edilmə olmadan peyvənd əmrinə əməl etməkdən imtina edən silahlı qüvvələrin bütün üzvlərinin davamlı xidmətinə məhdudiyyətlər qoymağa icazə verirəm", - deyə sənəddə bildirilir.

Müdafiə naziri Lloyd Ostinin sərəncamı əsasında verilən əmr Milli Qvardiyanın ehtiyatda olan əsgərlərinə və döyüşçülərinə də şamil edilir. Oklahomada Milli Qvardiyanın komandiri əvvəllər tabeliyində olanları məcburi peyvəndlərdən azad edirdi.

Qeyd edilir ki, quru qoşunlarının şəxsi heyətinin təxminən 67% -i tamamilə koronavirusa qarşı peyvənd olunub, quru qoşunlarının Milli Qvardiyası üçün bu rəqəm daha aşağıdır - 51,84%.

Milli.Az