Dünya

Yaponiyada benzinin qiyməti yeddiillik maksimumu yeniləyib

27 Oktyabr 2021 19:42

0 Şərh Baxış: 765

#BENZİN

Yaponiyada benzinin orta qiyməti son yeddi ilin maksimumunu yeniləyib.

Milli.Az APA-ya istinadən xəbər verir ki, bu barədə Yaponiyanın İqtisadiyyat, Ticarət və Sənaye Nazirliyinin açıqlamasında deyilir.

Yaponiyada ən çox yayılmış və Rusiyanın "Aİ-95" markalı benzininə uyğun gələn "Regular" markalı benzinin 1 litrinin orta qiyməti oktyabrın 25-nə 167,3 yen (təxminən 1,47 ABŞ dolları) təşkil edib. Bu, 2014-cü ilin sentyabr ayından bəri ölkədə qeydə alınmış benzinin ən yüksək qiymətidir. O zaman onun maya dəyərinin artması neftin qiymətinin müvafiq artımı hesabına baş verib.

Bundan əvvəl Yaponiyada benzinin yüksək qiyməti oktyabrın 18-də qeydə alınıb - 164,6 yen (1,44 dollar).

Milli.Az