Dünya

Yaponiyada gələcəyin şəhəri inşa ediləcək - FOTO

16 İyul 2021 21:40

0 Şərh Baxış: 777

VTB-də minimal faiz dərəcəsi ilə nağd kredit 10.49%-dən

"Bjarke Ingels" memarlıq bürosu Yaponiyada özü idarə olunan gələcəyin "ağıllı şəhər" layihəsini hazırlayıb. Yeni şəhər 700 min kvadratmetrdən çox ərazini əhatə edəcək.

Milli.Az AZƏRTAC-a istinadən bildirir ki, ağacdan tikiləcək evlərdə robotlardan istifadə ediləcək. Ümumilikdə üç küçədən ibarət şəhərdə yalnız elektromobillərin, velosipedlərin, skuterlərin hərəkətinə icazə veriləcək. Bir küçə isə tamamilə piyadaların ixtiyarına veriləcək.

Binalar ekoloji cəhətdən təmiz materiallardan, xüsusən də ağacdan tikiləcək və günəş panelləri ilə təchiz ediləcək. Bütün yaşayış binaları həyatı asanlaşdıran robotlar və sağlamlıq müayinələri üçün süni intellektə qoşulmuş sensorlarla təchiz olunacaq. Şəhər 2000 nəfərin yaşaması üçün nəzərdə tutulub.

Milli.Az