Dünya

Gürcüstan Rusiya hərbi yükünü Ermənistana buraxmadı - Qalmaqal - VİDEO

28 Aprel 2021 12:37
Baxış: 3 324
VTB-də minimal faiz dərəcəsi ilə nağd kredit 10.49%-dən

Gürcüstan Rusiyadan Ermənistana göndərilən güllə keçirməyən jiletlərlə yüklənmiş iki yük maşınını Ermənistana buraxmayıb.

Milli.Az xəbər verir ki, bu barədə erməni mətbuatı və feysbuk sosial şəbəkəsində məlumatlar yayılıb. Yük maşınları Moskvadan martın 5-də yola salınıb və martın 28-də gürcü sərhədçilər sürücülərin və yüklərin sənədlərini müsadirə edərək onların hərəkətinə qadağa qoyub.

Məlumata görə, iki yük maşını zurehli jiletlər bir aya yaxındır ki, Rusiya-Gürcüstan sərhədindəki "Yuxarı Lars" nəzarət-buraxılış məntəqəsi yaxınlığındakı neytral zonada saxlanılır. Bununla bağlı video da sosial şəbəkədə yerləşdirilib. Sürücülərdən birinin sözlərinə görə, onları saxlayan gürcü sərhədçiləri yüklərin xüsusi təyinatlı olduğunu qeyd edərək Gürcüstanın Müdafiə Nazirliyindən icazənin tələb edildiyini bildiriblər.

Erməni mediası bununla dərhal hay-həşir salaraq Ermənistanın tam mühasirəyə alındığını iddia etməyə başlayıblar. Havadan və qurudan - üçtərəfli yük çatdırılması baxımından tam blokada vəziyyətinə alındıqlarını, yalnız İranın istisna təşkil etdiyini bildiriblər.

Kamran
Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.