PUL
Beynəlxalq tərəfdaşlar tezliklə əmin olacaqlar ki, biz qanunları tətbiq edərək dövlətin şərəfini qoruyuruq.
Milli.Az APA-ya istinadən xəbər verir ki, bunu ABŞ, Avropa İttifaqı (Aİ) və NATO-nun Tbilisidə siyasi gərginliklə əlaqədar bəyanatlarına cavab olaraq hakim "Gürcü Arzusu" partiyasının sədri İrakli Kobaxidze deyib.
O qeyd edib ki, siyasətin cinayətkarlıqdan təmizlənməsi ölkədə siyasi qütbləşmənin azaldılmasına xidmət edəcək: "Bu gün biz Nika Melianın həbsi ilə əlaqədar beynəlxalq tərəfdaşlarımız tərəfindən səsləndirilən bəyanatlar eşitdik. Bizim üçün başadüşüləndir ki, beynəlxalq tərəfdaşlarımız Gürcüstanda siyasi proseslərin daha çox qütbləşəcəyindən və nəticədə siyasi sistemin Qərb standartlarından uzaqlaşdıracağından narahatdırlar. Amma bizim beynəlxalq tərəfdaşlarımız tezliklə əmin olacaqlar ki, bu qütbləşmənin azaldılması məhz dövlətin sarsılmaz müdafiəsi, qanunların tətbiqi və qayda-qanun prinsipləridir. Avro-Atlantik ailədə də keçərli sadə prinsip budur ki, siyasətçi cinayət törətdiyi, misal üçün konstitusion orqanların binalarına hücum etdiyi, bank və ya telekanalın müflis olmasına səbəb olduqda, büdcədən on milyonlar oğurladıqda siyasətlə bir işi qalmır".
Xatırladaq ki, bu gün səhər saatlarında Gürcüstanın əsas müxalifət partiyası olan "Vahid Milli Hərəkat"ın sədri Nika Melia Tbilisi Şəhər Məhkəməsinin qərarına əsasən polisin həyata keçirdiyi xüsusi əməliyyatla partiyanın baş qərargahında həbs edilib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
