İqtisadiyyat

"2026 çətin il olacaq, kredit götürməyin" - Ekspert

12 Dekabr 2025 10:10

Baxış: 7 327

VTB-də minimal faiz dərəcəsi ilə nağd kredit 9.9%-dən

#DÜNYADA #İQTİSADİYYAT #RUSİYA

2026-cı ildə şəxsi maliyyəni idarə edərkən daha diqqətli olmaq tövsiyə edilib.

Milli.Az xəbər verir ki, bu barədə ekspert Mariya İvatkina "açıqlamasında bildirib. Onun sözlərinə görə, inflyasiyanın zəifləməsinə baxmayaraq, kredit dəyərinin yüksək qalması planlaşdırılmamış borclanmanı riskli edir.

Ekspert qeyd edib ki, smartfon, tətil, toy və ya hədiyyə məqsədilə kredit götürmək ciddi maliyyə xətası hesab olunur. İvatkina əlavə edib ki, böyük alışlar əvvəlcədən planlaşdırılmalı, tələb olunan məbləğ aylara bölünərək ayrıca yığım hesabında toplanmalıdır. Bu yanaşma impulsiv xərclərin qarşısını alır və maliyyə intizamını gücləndirir.

Mariya İvatkina həmçinin ailələr üçün maliyyə təhlükəsizlik yastığının vacibliyini vurğulayıb. Onun sözlərinə görə, ehtiyat vəsaiti 3-6 aylıq xərcləri əhatə etməli, təcili hallar zamanı dərhal istifadə oluna bilməsi üçün yığım hesabında saxlanılmalıdır.

Ekspert bahalı kreditləri olan ailələrə borcların 2026-cı ildə sürətləndiririlmiş qaydada ödənilməsini tövsiyə edib. O, borcların bağlanması üçün "çovğun" ( əvvəlcə faiz dərəcəsi ən yüksək olan kreditin bağlanması ) və "qar topu" ( ən kiçik məbləğli borcun birinci ödənilməsi ) metodlarını xatırladaraq, birincinin maliyyə baxımından daha sərfəli olduğunu bildirib. Gözlənilən faiz dərəcəsi azalması fonunda mövcud kreditlərin refinanslaşdırılmasının da məqsədəuyğun ola biləcəyi qeyd edilib.

İvatkina, həmçinin, ipoteka götürməzdən əvvəl borc yükünün qiymətləndirilməsinin vacibliyini diqqətə çatdırıb. Onun sözlərinə görə, ailə büdcəsinin 40 faizindən çoxunun kredit ödənişlərinə yönəlməsi riskli göstərici sayılır və ilkin ödəniş əvvəlcədən ayrıca yığıma hesablanmalıdır.

İsmayıl
Milli.Az

Milli.Az - Xəbər Portalı

"2026 çətin il olacaq, kredit götürməyin" - Ekspert

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?