Maraqlı

Qaz puluna qənaət üçün kombini belə işlədin

11 Dekabr 2025 20:05
Baxış: 25 579
VTB-də minimal faiz dərəcəsi ilə nağd kredit 9.9%-dən
#MARAQLI #CƏMİYYƏT #TEXNOLOGİYA

Ustalar tez-tez söndürülüb-yandırılmasının əlavə yanacağa səbəb olduğunu bildirir.

Milli.Az xəbər verir ki, usta və istilik sistemi üzrə mütəxəssislər bildirirlər ki, kombinin ardıcıl olaraq söndürülüb-yandırılması, əksər hallarda daha çox qaz sərfiyyatı ilə nəticələnir. Ən qənaətcil istifadə üsulu isə cihazın ev şəraitinə uyğun olaraq davamlı şəkildə aşağı və ya orta dərəcədə işləməsidir.

Mütəxəssislərin izahına görə, kombi hər dəfə işə düşdükdə bütün sistemdəki suyu yenidən qızdırmalı olur. Bu mərhələ daha çox enerji tələb etdiyi üçün yanacaq sərfiyyatı artır. Evin tam soyuması isə kombinin növbəti dəfə uzun müddət yüksək gücdə çalışmasına gətirib çıxarır. Tez-tez açılıb-söndürülmə həmçinin cihazın müxtəlif detallarının qısa müddətdə aşınmasına səbəb olur.

Sabit rejimdə ( aşağı və ya orta temperaturda ) fasiləsiz işləmə üsulu daha qənaətcil hesab edilir. Bu zaman ev tam soyumadığından cihaz yalnız mövcud istiliyi qorumaq üçün minimal gücdə fəaliyyət göstərir. Bu rejim həm temperaturun sabit qalmasını təmin edir, həm də istifadəçilərə əlavə rahatlıq və enerji qənaəti təqdim edir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.