Dünya

Həkim Covid-19 xəstələrini öldürüb

28 Yanvar 2021 14:11
Baxış: 785

İtaliyanın şimalında yerləşən Breşia şəhərində dəhşətli hadisə yaşanıb.

Milli.Az axşam.az-a istinadən bildirir ki, "Montichiari" adlı xəstəxanada çalışan həkim Karlo Moska iki Covid-19 xəstəsini bilərəkdən öldürüb. O, bunu reanimasiya şöbəsində digər koronavirus xəstələrinə yer olmadığı üçün edib.

Həkim 61 yaşlı Natale Bassi və 80 yaşlı Ancelo Palettiyə artıq dozada anesteziya dərmanı verib. Nəticədə hər iki xəstə dünyasını dəyişib. Onun cinayəti "WhatsApp"da iş yoldaşına yazdığı mesajla ifşa olunub.

Qəsdən adam öldürməkdə ittiham olunan Karlo Moska vəzifəsindən uzaqlaşdırılaraq həbs edilib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.