Dünya

Koçaryanın tərəfdarları və əleyhdarları arasında dava düşüb

12 Sentyabr 2019 20:49

0 Şərh Baxış: 901

VTB-də minimal faiz dərəcəsi ilə nağd kredit 9.9%-dən

#ERMƏNİSTAN

Bu gün Yerevan məhkəməsində Ermənistanın keçmiş prezidenti Robert Koçaryanın məhkəməsi keçirilib.

Milli.Az APA-ya istinadən bildirir ki, məhkəmədə Robert Koçaryana qarşı irəli sürülmüş konstitusiya quruluşunun pozulmasına dair ittiham üzrə işə baxılıb. Sabiq prezidentin müdafiəçiləri onun azad olunmasını tələb ediblər.

Məhkəmənin qərarı sentyabrın 17-də elan olunacaq.

Məhkəmə iclasından sonra sabiq prezidentin tərəfdarları və əleyhdarları arasında toqquşma baş verib. Baş verənlərə görə, bir neçə nəfər, o cümlədən "Milli razılıq" partiyasının sədri Aram Arutunyan saxlanılıb.

R. Koçaryanın əleyhdarları onu qadını döyməkdə ittiham ediblər. A. Arutunyanın özü ünvanına edilən təhqirlərə cavab olaraq bu addımı atdığını bildirib.

Qeyd edək ki, 2018-ci il iyulun 26-da Ermənistan İstintaq Xidməti 2008-ci il martın 1-də keçirilmiş aksiyanın dağıdılması ilə əlaqədar başladılmış cinayət işi çərçivəsində Robert Koçaryana qarşı konstitusiya quruluşunun pozulmasına dair ittiham irəli sürüb. Bir gün sonra keçmiş prezident həbs olunub. Bu ilin mayında Robert Koçaryan Dağlıq Qarabağdakı qondarma rejimin nümayəndələrinin zaminliyi ilə azadlığa buraxılıb. Bundan sonra Ermənistanın Apellyasiya Məhkəməsi keçmiş prezident Robert Koçaryanın həbsi ilə bağlı qərar qəbul edib.

O həmçinin böyük məbləğdə rüşvət almaqda ittiham edilir.

Milli.Az