Dünya

Gürcüstanda müxalif televiziya iflic oldu

13 Avqust 2019 22:48
0 Şərh     Baxış: 401

Gürcüstanın müxalif "Pirveli" televiziyasına kiberhücum olub.

Milli.Az "qafqazinfo"-ya istinadən xəbər verir ki, bu barədə məlumat televiziyanın yaydığı bəyanatda yer alıb.

Məlumata görə, hakerlərin hücumu nəticəsində televiziyanın mərkəzi serveri virusa "yoluxdurulub" və nəticədə kanalın fəaliyyəti tam iflic olub. Hücumla əlaqədar əksər verilişlərin yayımının dayandığı və televiziyada yalnız filmlərin yayımlandığı bildirilib.

Televiziya rəhbərliyi məsələ ilə əlaqədar Daxili İşlər Nazirliyinə müraciət etdiyini bəyan edib.

Qeyd edək ki, "Pirveli" Gürcüstanın müxalifyönlü televiziyasıdır. Bir müddət əvvəl televiziyanın sahibi Vaxtanq Çereteli Mamuka Xazaradzenin sahibi olduğu "TBC Bank" vasitəsilə çirkli pulların yuyulmasında iştirak etdiyinə görə dindirilib.

Çereteli həmçinin Xazaradzenin yaxın dostunun oğludur.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.