Dünya

Dünyada yeni Ebola xəbərdarlığı: Peyvəndlərin təsir etmədiyi ölümcül ştamm yayıldı

18 İyun 2026 11:25

Baxış: 440

VTB-də minimal faiz dərəcəsi ilə nağd kredit 9.9%-dən

#DÜNYADA #XƏSTƏLİK

Şərqi Afrikada yayılan Ebola epidemiyası ilə bağlı narahatlıq artır.

Milli.Az xəbər verir ki, Afrika Xəstəliklərə Nəzarət və Profilaktika Mərkəzləri (Africa CDC) xəbərdarlıq edib ki, mövcud vəziyyət nəzarət altına alınmasa, bu epidemiya indiyədək qeydə alınmış ən ağır Ebola dalğalarından birinə çevrilə bilər.

Qurumun məlumatına görə, maliyyə çatışmazlığı, davam edən silahlı qarşıdurmalar və səhiyyə sistemindəki problemlər virusun yayılmasını sürətləndirən əsas amillərdir.

Hazırkı epidemiya daha az rast gəlinən Bundibuqyo ştammı ilə əlaqələndirilir. Mütəxəssislər bildirirlər ki, bu virus növünə qarşı təsdiqlənmiş peyvənd və ya xüsusi müalicə üsulu mövcud deyil. İndiyədək Ebola ilə mübarizədə əsas diqqət Zaire ştammına yönəldiyindən, Bundibuqyo variantına qarşı hazırlıq kifayət qədər olmayıb.

Hazırda xəstələrə yalnız simptomları azaltmağa yönəlmiş dəstəkləyici müalicə tətbiq edilir. Ölüm göstəricisinin 30-50 faiz arasında dəyişməsi isə vəziyyəti daha da ağırlaşdırır.

Hazırda virusa yoluxduğu ehtimal olunan və izlənilməsi mümkün olmayan 26 mindən çox insanın olduğu qeyd edilir.

Beynəlxalq maliyyə dəstəyi də gözlənilən səviyyədə deyil. Epidemiya ilə mübarizə üçün tələb olunan təxminən 500 milyon dolların yalnız beşdə biri təmin olunub. ABŞ və Avropa ölkələrinin yardım proqramlarında ixtisarlar etməsi qoruyucu tibbi vasitələrin çatışmazlığına səbəb olub.

Africa CDC hesab edir ki, təcili və genişmiqyaslı beynəlxalq dəstək göstərilməzsə, bölgədəki vəziyyət daha da ağırlaşa və epidemiya rekord sayda insan itkisi ilə nəticələnə bilər.

Müəllif: Nərmin Mahmudova (Milli.Az müxbir)