Dünya

Moskvadakı restoranda ölən şəxsin generalın kürəkəni olduğu bildirilir

5 Avqust 2026 12:56

Baxış: 494

VTB-də minimal faiz dərəcəsi ilə nağd kredit 9.9%-dən

Moskvanın "Balzi Rossi" restoranında baş verən partlayışda Rusiya Aerokosmik Qüvvələrinin komandanı Aleksandr Çaykonun kürəkəninin öldüyü iddia edilir.

Milli.Az xəbər verir ki, Ukrayna mediası hadisə zamanı həyatını itirən şəxsin Danil Peredria olduğunu yazıb.

Məlumata görə, Peredrianın adına olan sənədlərdən biri etibarsız elan edilib. Bu faktın onun avqustun 1-də Moskvadakı restoranda baş verən partlayışda öldüyü barədə məlumatı təsdiqlədiyi bildirilib.

Qeyd olunub ki, sənədin etibarsız sayılması ilə bağlı məlumat dövlət məlumat bazalarında çərşənbə axşamı yayımlansa da, qərarın özü partlayışın baş verdiyi gün qəbul edilib.

Həmçinin onun ölümü barədə rusiyapərəst bloqer Anatoli Şari tərəfindən də məlumat yayıldığı qeyd edilib.

Müəllif: Malik Məlikov (Milli.Az redaktor)