Cəmiyyət

Bakıda və Ağdaşda işıqlar sönəcək

5 Avqust 2026 11:24

Baxış: 369

VTB-də minimal faiz dərəcəsi ilə nağd kredit 9.9%-dən

Bakıda və Ağdaşda bəzi ərazilərdə elektrik enerjisinin verilişində fasilə olacaq.

Milli.Az xəbər verir ki, "Azərişıq" ASC avqustun 5-də aparılacaq təmir işləri ilə bağlı elektrik təchizatında məhdudiyyətlər tətbiq ediləcəyini açıqlayıb.

Bildirilib ki, enerji sistemində keyfiyyət göstəricilərinin yüksəldilməsi və artan tələbatın qarşılanması məqsədilə Bakıda transformator məntəqələrində, Ağdaşda isə 10 kV-luq hava xətlərində təmir işləri həyata keçiriləcək.

Planlı işlər çərçivəsində Yasamal rayonunda Cəfər Cabbarlı, Zivər bəy Əhmədbəyov və Məhəmməd Naxçıvani küçələrinin bir hissəsində elektrik enerjisinin verilişi dayandırılacaq.

Nərimanov rayonunun Böyükşor qəsəbəsinin bəzi ərazilərində isə saat 09:00-dan 13:00-dək elektrik təchizatında fasilə yaranacaq.

Ağdaş rayonunda da bir sıra kənd və yaşayış məntəqələri planlı fasilədən təsirlənəcək. Belə ki, saat 10:00-dan 13:00-dək Aşağı Ağcayazı, Yuxarı Ağcayazı, Dəhnə kəndləri, Türyançay qəsəbəsi və şəhərin 42-ci məhəlləsində, saat 10:00-dan 14:00-dək isə Qoşaqovaq, Qolqəti və Şəkili kəndlərində elektrik enerjisinin verilişi məhdudlaşdırılacaq.

"Azərişıq"dan bildirilib ki, təmir işləri başa çatdıqdan sonra abonentlərin elektrik enerjisi ilə təminatı daha keyfiyyətli və dayanıqlı olacaq.

Müəllif: Malik Məlikov (Milli.Az redaktor)