Dünya

Kahı ABŞ-də rekord epidemiyaya səbəb oldu

5 Avqust 2026 09:46

Baxış: 1 167

VTB-də minimal faiz dərəcəsi ilə nağd kredit 9.9%-dən

ABŞ-də siklosporoz infeksiyası ilə bağlı son illərin ən böyük epidemiya dalğası qeydə alınıb.

Xarici KİV-in məlumatına görə, ABŞ Xəstəliklərə Nəzarət və Profilaktika Mərkəzləri (CDC) ölkə üzrə 10 min 400-dən çox laborator təsdiqli yoluxma halının aşkarlandığını açıqlayıb. Bundan əlavə, daha 12 min 255 nəfərdə xəstəliyə yoluxma ehtimalı müəyyən edilib.

İlkin araşdırmalar epidemiyanın Meksikadan idxal edilən və Taco Bell restoranlarında istifadə olunan kahı ilə əlaqəli ola biləcəyini göstərir.

Siklosporoz Cyclospora adlı parazitin törətdiyi infeksiyadır. Xəstəlik əsasən insan nəcisi ilə çirklənmiş su və ya qida məhsulları, xüsusilə də meyvə və tərəvəzlər vasitəsilə yayılır.

Mütəxəssislərin sözlərinə görə, infeksiya əksər hallarda həyati təhlükə yaratmasa da, Miçiqan ştatında yanaşı xəstəlikləri olan iki pasiyent siklosporoz səbəbindən həyatını itirib.

Xəstəliyin əsas əlamətləri arasında güclü ishal, qarın ağrısı və spazmları, köp, ürəkbulanma, qaz toplanması, yüngül qızdırma, iştahasızlıq və çəki itkisi yer alır.

Epidemiyadan sonra ABŞ-nin iri qida distribütorlarından biri olan Sysco şirkəti Meksikadakı təchizatçılardan aysberq kahısının tədarükünü müvəqqəti dayandırıb.

Müəllif: Malik Məlikov (Milli.Az redaktor)