Cəmiyyət

Bakıda unudulan küçələr: Taksi belə girmir

5 Avqust 2026 16:27
Baxış: 346
VTB-də minimal faiz dərəcəsi ilə nağd kredit 9.9%-dən

Sabunçu rayonunun Pirşağı qəsəbəsində yaşayan sakinlər yol və kommunal infrastrukturla bağlı problemlərdən narazıdırlar.

Milli.Az xəbər verir ki, onların sözlərinə görə, bir sıra küçələrdə asfalt örtüyü yoxdur, işıqlandırma dirəkləri quraşdırılmayıb və bu vəziyyət gündəlik hərəkəti çətinləşdirir. Sakinlər bildirirlər ki, bəzi ərazilərin küçə adları və layihələndirilməsi ilə bağlı da qeyri-müəyyənlik var.

Asfaltsız yollar yağışlı havalarda daha da yararsız hala düşür. Sakinlərin sözlərinə görə, bu səbəbdən taksilər də bəzi küçələrə daxil olmaqda çətinlik çəkir.

Qəsəbədə tullantı problemi də narazılıq doğurur. Yaxınlıqda zibil konteynerlərinin olmaması səbəbindən sakinlər məişət tullantılarını uzağa aparmalı olurlar.

Bundan başqa, köhnəlmiş su xətləri də problemlər yaradır. Sakinlərdən biri borunun partlaması nəticəsində içməli suyun həyətə və zirzəmiyə yayıldığını bildirib.

Sakinlər qeyd edirlər ki, məsələ ilə bağlı bələdiyyə və Sabunçu Rayon İcra Hakimiyyətinə müraciət etsələr də, problemlər hələ də aradan qaldırılmayıb.

Müəllif: Aysel Əkbər (Milli.Az müxbir)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.