Maraqlı

Nə tualet fırçası, nə də zibil qutusu - ən təhlükəli əşya mətbəxdə imiş

12 Noyabr 2026 00:37

Baxış: 108

VTB-də minimal faiz dərəcəsi ilə nağd kredit 9.9%-dən

#MARAQLI

Mətbəxdə təmizlik məqsədilə hər gün dəfələrlə toxunduğumuz süngərlər Salmonella kimi təhlükəli bakteriyaları günlərlə üzərində saxlayır. İsti su və yuyucu vasitələrin belə təsir etmədiyi bu gizli təhlükəyə qarşı mütəxəssislər süngərlərin dəyişdirilmə müddətini açıqlayıblar.

Milli.Az xəbər verir ki, Journal of Food Microbiology jurnalında dərc edilən araşdırmaya görə, 10 Avropa ölkəsində aparılan incələmələr qida mənşəli xəstəliklərə yol açan Salmonella bakteriyalarının nəm süngər üzərində yeddi gündən çox yaşayaraq sürətlə çoxaldığını sübut edib.

Süngərlərin isti su və kimyəvi vasitələrlə yuyulması içindəki bakteriyaları yox etməyə yetmir; əksinə, bakteriyaların daha sürətli çoxalmasına zəmin yaradır. Mütəxəssislər bu səbəbdən balqabaq lifi kimi təbii alternatiflərə keçilməsini tövsiyə edirlər.

Süngərləri hansı tezliklə dəyişdirməliyik?
Amerika Təmizlik İnstitutunun məlumatına görə, standart qabyuyan süngərlərin istifadə intensivliyindən asılı olaraq ən geci bir və ya iki həftə ərzində qəti olaraq yenilənməsi lazımdır.

Hansı əlamətlərdə dərhal atılmalıdır?
İki həftəlik müddət tamamlanmasa belə, aşağıdakı hallarda süngər dərhal zibil qutusuna atılmalıdır:

Üzərində rəng dəyişiklikləri və ya pis qoxu yarandıqda.

Toxunduqda yapışqan hiss olunduqda.

Çiy ət və ya toyuq suları ilə təmas etdikdə, parçalanmağa başladıqda.

Müəllif: Ülkər Vəliyeva (Milli.Az redaktor)