Dünya

Orbanın qardaşı həbs edildi

11 Noyabr 2026 22:13

Baxış: 129

VTB-də minimal faiz dərəcəsi ilə nağd kredit 9.9%-dən

#DÜNYADA

Macarıstanın baş naziri Peter Magyar bildirib ki, Macarıstan hakimiyyəti insan alveri istintaqı çərçivəsində sabiq baş nazir Viktor Orbanın qardaşını saxlayıb.

Milli.Az xəbər verir ki, Macarıstanın antikorrupsiya qurumu polis ilə birgə əməliyyat nəticəsində Budapeşt və Pest bölgəsində evlərdə axtarış aparıldığını və dörd nəfərin saxlanıldığını açıqlayıb.

May ayında seçkilərdə qalib gələrək Orbanın 16 illik hakimiyyətinə son qoyan baş nazir Peter Magyar Berlindəki çıxışında Orbanın üç sabiq nazirinin və qardaşı Aron Orbanın həbs edildiyini bildirib.

Sosial media hesabında açıqlama verən sabiq baş nazir həbslərin "siyasi ov" və opponentləri məhv etmək məqsədi daşıyan "çirkli oyun" olduğunu iddia edərək, əsl hədəfin özü olduğunu və kiçik qardaşının ona çatmaq üçün vasitə kimi istifadə edildiyini qeyd edib.

Müəllif: Ülkər Vəliyeva (Milli.Az redaktor)