Dünya

Çimərlikdə 5 yaşlı oğlan naməlum məxluq tapdı - FOTO

8 Fevral 2026 17:06

Baxış: 1 697

VTB-də minimal faiz dərəcəsi ilə nağd kredit 9.9%-dən

#MARAQLI #İNGİLTƏRƏ #ÇİMƏRLİK

Beş yaşlı Çarli Teviner İngiltərənin Plimut şəhərindəki çimərliklərdən birində insan qaraciyərinə və ya ürəyinə bənzəyən sirli dəniz canlısı tapıb.

Milli.Az oxu.az-a istinadən xəbər verir ki, anasının sözlərinə görə, Çarli qeyri-adi məxluqu xərçəng zənn edib və onu tutmağa çalışıb. Valideynlər uşağın qurumuş yosunu tapdığını düşünüblər, lakin sonradan onun canlı orqanizm olduğunu başa düşüblər.

Daha sonra Dəniz Biologiya Assosiasiyasının mütəxəssisləri tapıntını araşdırıblar və onun Britaniyada nadir hallarda rast gəlinən bir molyusk - "Aplysia depilans" (Aralıq dənizi dovşanı) olduğunu bildiriblər.

Bioloqlar qeyd etiblər ki, bu canlılar adətən Aralıq dənizində və Atlantik okeanının şərqində tapılır, lakin Böyük Britaniyada isti hava və tez-tez baş verən fırtınalar onların miqrasiyasına səbəb ola bilər.

Mütəxəssislər həmçinin canlıya toxunmamağı məsləhət görüblər, belə ki o, toksinlər ifraz edə bilər. Təbiətdə molyusk 40 sm-ə qədər uzunluğa çata bilir.

Milli.Az