Dünya

Şara Putinlə görüşdüyü vaxt Əsəd görün nə ilə məşğul imiş - FOTO

15 Oktyabr 2025 19:13

Baxış: 2 236

VTB-də minimal faiz dərəcəsi ilə nağd kredit 9.9%-dən

#RUSİYA #SURİYA #PUTİN

Rusiya Prezidenti Vladimir Putin və Suriya Prezidenti Əhməd Şara arasında gözlənilən kritik görüş Moskvanın Kreml sarayında başlayıb. Rəsmi açıqlamalara görə, tərəflər ikitərəfli münasibətləri və Rusiyanın Suriyadakı hərbi bazalarının gələcəyini müzakirə edib.

Putin görüş zamanı Rusiyanın Suriya xalqının maraqlarını hər zaman ön planda saxladığını bildirib və Dəməşqdə keçirilən parlament seçkilərini "böyük uğur" kimi qiymətləndirib.

Suriya Prezidenti Əhməd Şara isə bəyan edib ki, Moskva ilə daha əvvəl imzalanmış bütün razılaşmalara hörmətlə yanaşırlar:

"Rusiyayla əlaqələri yeni bir anlayışla yenidən formalaşdırmaq niyyətindəyik," - deyə Şara vurğulayıb.

Suriya dövlət xəbər agentliyi SANA görüşün mövzusunu "iki ölkə arasında strateji əməkdaşlıq və regional məsələlər" kimi təqdim etsə də, hökumət mənbələri pərdəarxası daha ciddi bir tələb olduğunu bildirir.

Məlumata görə, Əhməd Şara Putindən devrilmiş keçmiş lider Bəşər Əsəd başda olmaqla, müharibə cinayətləri ilə ittiham olunaraq Rusiyada sığınacaq tapan şəxslərin Dəməşqə təhvil verilməsini istəyəcək. Görüşdə həmçinin Rusiyanın Suriyadakı hərbi bazaları, yenidən silahlanma proqramı və investisiya imkanları müzakirə olunacaq.

Görüş davam etdiyi vaxt Bəşər Əsədlə bağlı maraqlı görüntülər yayılıb. Jurnalist Barış Yarkadaşın açıqlamasına görə, Rusiyada mühacirətdə yaşayan Əsəd ailəsi Moskva küçələrində şəhər turuna çıxarkən görüntülənib. Görüntülər sosial mediada "Tarixin istehzası" ifadələri ilə paylaşılıb.

Suriya rejiminin keçmiş lideri Bəşər Əsəd 8 dekabr 2024-cü ildə müxalif qüvvələr tərəfindən devrilmiş, daha sonra ailəsi ilə birlikdə Rusiyaya qaçmışdı. Hazırda onun Moskvada müvəqqəti məskunlaşdığı bildirilir.

Lalə Qüdrətova
Milli.Az