Dünya

Siyasətçi restoranda yemək yeyərkən güllələndi - FOTO

30 Aprel 2025 12:28

Baxış: 1 123

VTB-də minimal faiz dərəcəsi ilə nağd kredit 10.49%-dən

#DÜNYADA #HADİSƏ #CİNAYƏT #MEKSİKA

Meksikada siyasətçi Jose Luis Pereira restoranda şam edərkən güllələnib.

Milli.Az xarici mətbuata istinadla xəbər verir ki, Teokaltiçe şəhər şurasının baş katibi Pereira Jalisco ştatındakı dəniz məhsulları restoranında axşam saatlarında hücuma məruz qalıb.

Tibb işçiləri hadisə yerinə gələndə onun öldüyünü açıqlayıblar.

Meksikalı senator Alejandro Moreno bu qətli "qorxaqlıq" adlandırıb və hökuməti cinayətkar dəstələrə qarşı tədbir görmədiyinə görə sərt tənqid edib.

Qeyd edək ki, Pereira bir neçə gün əvvəl bölgənin polis rəisinin öldürülməsindən sonra hədəfə çevrilən ikinci məmurdur. Hadisədən sonra ABŞ hökuməti də Jalisco ştatına səfər etməyi təhlükəli elan edib və vətəndaşlarına xəbərdarlıq yayıb. 2024-cü ilin ilk doqquz ayında bu bölgədə 1,415 nəfər qətlə yetirilib.

İsmayıl
Milli.Az