Dünya

Vəhşi qəbiləyə “Coca-Cola” aparan amerikalı həbs olundu - FOTOlar

4 Aprel 2025 14:13

Baxış: 1 332

VTB-də minimal faiz dərəcəsi ilə nağd kredit 9.9%-dən

#DÜNYADA

Hindistan hakimiyyəti qadağan olunmuş adada təcrid olunmuş qəbilə ilə əlaqə saxlamağa cəhd edən amerikalını həbs edib.

Milli.Az qafqazinfo.az-a istinadən xəbər verir ki, bu barədə "Mirror" yazıb.

Polisin məlumatına görə, ABŞ vətəndaşı 24 yaşlı Mixail Polyakov martın 26-da Andaman və Nikobar adalarının paytaxtı Port Bleyrə səfər edib. Üç gün sonra o, qayıqla dünyanın ən təcrid olunmuş qəbiləsinin yaşadığı ucqar Şimali Sentinel adasına gedib.

Polyakov fit və jestlərlə sentinellərin diqqətini cəlb etməyə çalışsa da, heç bir cavab almayıb. Sonra sahilə çıxaraq video çəkib və hədiyyələrini - bir qutu "Coca-Cola" və kokos qoyub.

Polyakov materikə qayıtdıqdan sonra yerli balıqçılar tərəfindən fərqinə varılıb və səlahiyyətlilərə məlumat verilib. Turist qapalı qəbilə rezervasiyasına müdaxilə etdiyinə və yerli qanunları pozduğuna görə dərhal saxlanılıb. Polis onun qayığını, motorunu və adaya eniş videosu olan "GoPro kamerasını ələ keçirib. Bildirilir ki, görünür, Polyakov adaya çatmağa cəhd etməzdən əvvəl dəniz şəraitini və potensial eniş yerlərini öyrənib.

Hadisə yerli hüquq müdafiəçilərinin kəskin tənqidinə səbəb olub. Beləliklə, "Survival International"ın direktoru Karolin Pirs Polyakovun hərəkətlərini həm özü, həm də sentinellər üçün məsuliyyətsiz və təhlükəli adlandırıb. Bu qəbilə, qeyd edildiyi kimi, qəriblərə aqressiv reaksiyası ilə tanınır və onların ərazisinə səfər etmək Hindistan qanunları ilə qəti şəkildə qadağandır.

Milli.Az