Dünya

Tarixdə ilk: "Əjdahalar heyəti" görün hara uçdu

1 Aprel 2025 13:11
Baxış: 790
VTB-də minimal faiz dərəcəsi ilə nağd kredit 9.9%-dən
#DÜNYADA

"SpaceX" "Crew Dragon" kosmik gəmisini kosmosa göndərib. Bununla da tarixdə ilk dəfə mülki ekipaj Yerin qütb orbitinə uçub.

Milli.Az xəbər verir ki, uçuş "SpaceX"in "X" sosial media səhifəsində canlı yayımlanıb.

"Fram2"nin heyəti dörd səyahətçidən ibarətdir. Çin əsilli maltalı iş adamı Çun Van, alman Arktika robot mühəndisi Rabeya Patrisia Roqqe, avstraliyalı qütb tədqiqatçısı Erik Filips və norveçli kinorejissor Yannike Mikkelsen.

Missiyanın maddi cəhətdən neçəyə başa gəlməsi açıqlanmır.

Qeyd edək ki, bazar ertəsi Şərq Sahili vaxtı ilə saat 21:46-da (Bakı vaxtı ilə 05:46) "Crew Dragon" kosmik gəmisini daşıyan raket Kennedi Kosmik Mərkəzindəki "Launch Pad 39A"dan havaya qalxıb. Yaxın üç-beş gün ərzində kosmik gəmi Beynəlxalq Kosmik Stansiya ilə birləşmədən planetimizin səthindən 425-450 kilometr yüksəklikdə orbitə çıxacaq.

Missiyanın 22 unikal elmi tədqiqat aparması planlaşdırılır. Onlar qütb buzlaqlarının vəziyyəti və iqlim dəyişikliyinin dinamikası haqqında məlumatların toplanmasından tutmuş kosmosun insan fiziologiyasına təsirinin ətraflı öyrənilməsinə, o cümlədən ekipaj üzvlərinin rentgen tədqiqatlarının aparılmasına qədər geniş mövzuları əhatə edir. Bundan əlavə, alimlər Yerin ən ucqar və sərt guşələrində mövcud olan ekstremal şəraiti öyrənmək niyyətindədirlər./Publika.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.