Dünya

Yaxın Şərqdə sabitliyin şərtləri hansılardır? - AÇIQLAMA

11 Fevral 2025 07:15

Baxış: 640

VTB-də minimal faiz dərəcəsi ilə nağd kredit 9.9%-dən

#DÜNYADA

Fələstin Hərəkatının Siyasi Bürosunun üzvü Basem Naim Qəzza zolağında İsrail və HƏMAS arasında imzalanan atəşkəs razılaşmasının pozulma təhlükəsi ilə üz-üzə olduğunu bildirib. O, atəşkəsin kövrək olduğunu və razılaşmanın icrasının ikinci mərhələsi ilə bağlı fevralın 3-də başlamalı olan danışıqların hələ həyata keçirilmədiyini qeyd edib.

"Qəzza zolağında atəşkəs yanvarın 19-da qüvvəyə minib, lakin bu müddət ərzində vəziyyət sabitləşməmiş, əksinə, gərginlik davam edib. Naim regionda gərginliyin artmasında maraqlı olan güclərin də olduğunu vurğulayaraq xüsusilə ABŞ-ın bu prosesdə mühüm rol oynadığını qeyd edib".

Milli.Az xəbər verir ki, bu sözləri siyasi şərhçi Kənan Novruzov deyib.

O bildirib ki, ABŞ-ın keçmiş prezidenti Donald Trampın İranı zəiflətmək məqsədilə Yaxın Şərqdə gərginliyin qorunmasına çalışdığını ifadə edən Naim bu vəziyyətin Qəzzadakı atəşkəs sazişinin icrasına mane olduğunu bildirib.

"Naimin fikrincə, Qəzza zolağında atəşkəsin pozulması gözlənilən bir vəziyyətdir və bu münaqişənin yaxın gələcəkdə daha da dərinləşə və gərginləşə biləcəyini vurğulayıb.

Həllin tapılması üçün fundamental qərarlara və beynəlxalq əməkdaşlığa ehtiyac olduğuna diqqət çəkən Naim Türkiyənin Yaxın Şərqdə sabitlik istəyirsə, ABŞ ilə ciddi müzakirələrə başlamasının vacib olduğunu əlavə edib. O, ABŞ-ın İsraili təhrik etməyi dayandırmadığı təqdirdə regionda sabitliyin təmin edilməsinin çətin olacağına işarə edib".

Aysel Əkbər
Milli.Az